Hum bhi kuch khush nahin wafa kar ke,

Hum bhi kuch khush nahin wafa kar ke,

Tum ne achaa kiya nibaah na kiya

Tum ne uss waqt bewafayi ki,

Tum ne uss waqt bewafayi ki,

Yaqeen jab akhri makaam pr tha.

Ab to kar lijiye aap samaat qissa ishq ka,

Ab to kar lijiye aap samaat qissa ishq ka,

“aaah” tak le aaye hain hum mukhtsir karte huye.

Riwaayeton ko nibhane ka tha saleeqa us ko,

Riwaayeton ko nibhane ka tha saleeqa us ko,

Woh bewafaayi bhi karta raha wafaa ke sath.

Ehsaan aesa talkhh jawab-e-wafa milaa,

Ehsaan aesa talkhh jawab-e-wafa milaa,

Hum is ke baad phir koi armaan na kar sake..a

Jeevan ko dukh, dukh ko aag aur aag ko paani kehte,

Jeevan ko dukh, dukh ko aag aur aag ko paani kehte,

Bache lekin soye huye they kis se kahaani kehte,

Sach kehne kaa hosla tum ne cheen liya hai warna,

Sheher mei phailli viraani ko sab viraani kehte,

Waqt guzarta jaata aur yeh zakhm harey rehte to,

Barri hifaazat se rakhi hai teri nishaani kehte,

Woh to shayed dono kaa dukh eik jaisa tha warna,

Hum bhi pathar maarte tujh ko aur deewani kehte,

Tabdeeli sachaayi hai is ko maante lekin kaise,

Aayine ko dekh ke ik tasveer puraani kehte,

Tera lehjaa apnaaya ab dil me hasrat si hai,

Apnii koi baat kabhi to apni zubaani kehte,

Chup reh kar izhaar kiya hai keh sakte to “aanis”,

Aik elaahida tarzz e sukhan ka tujh ko baani kehte

Chehre pe khushi chhaa jaati hai ankhon me suruur aa jata hai,

Chehre pe khushi chhaa jaati hai ankhon me suruur aa jata hai,

Jab tum mujhe apna kehte ho apne pe ghuruur aa jata hai,

Tum hussn ki khud ik duniyaa ho shayed ye tumhe maluum nahin,

Mehfil mei tumhaare aaney se har cheez pe nuur aa jata hai,

Hum paas se tum ko kya dekhen tum jab bhi muqaabil hote ho,

Betaab nigahon ke aagay pardaa sa zaruur aa jata hai,

Jab tum se mohabbat ki hum ne tab jaa ke kahin yeh raaz khula,

Marne ka saleeqa aatey hi jeenay ka shauur aa jata hai

Lagta nahii hai dil mera ujrre dayaar mein,

Lagta nahii hai dil mera ujrre dayaar mein,

Kis ki bannii hai aalam e na-paayedaar mein,

Keh do in hasraton se kahin aur ja basen,

Itni jagah kahan hai dil-e-daaghdaar main,

Umr-e-daraaz maang ke laaye the chaar din,

Do aarzuu mei katt gaye do intizaar main,

Kaanton ko mat nikaal chaman se o baaghbaan,

Yeh bhi gulon ke saath pale hain bahaar main,

Bulbul se koi shikwa na sayaad se gila,

Qismat mein qaid likhi thi fasl-e-bahaar main,

Kitna hai bdnaseeb “zafar” dafn ke liye,

Do gaz zameen bhi na mili kuu-e-yaar main.

Hijr ke mausam main yeh barish ka barassna kaisa,

Hijr ke mausam main yeh barish ka barassna kaisa,

Aik sehraa se samandar ke guzarna kaisa,

Aye mere dil na pareshaan ho tanhaa ho kar,

Woh tere saath chala kab tha, bicharrna kaisa,

Log to kehte hain gulshan ki tabaahi dekho,

Main to veeraan sa jungle tha, ujarrna kaisa,

Dekhne main to koi dard nahin dukh bhi nahin,

Phir yeh aankhon main asshkon ka ubharna kaisa,

Bewafa kehne ki jurat bhi na karna,

Uss ne iqraar kiya kab tha, to mukarna kaisa

Kch aesy hadsy bhi zindagi mai hoty hain

Kch aesy hadsy bhi zindagi mai hoty hain

Ky insan bach to jata hai, mgr zinda nai rehta.

Deedaar ki havass hai na shauq-e-visaal hai,

Deedaar ki havass hai na shauq-e-visaal hai,

Azaad har khayal se mast-e-khayal hai,

Keh do yeh kohkan se hi marna nahin kamaal,

Mar mar ke hijr-e-yaar main jeena kamaal hai,

Fatva diya hai mufti abr-e-bahaar ne,

Tauba ka khooon baada-kashon ko halaal hai,

Aankhen bata rahi hain jaage ho raat ko,

In saaghron main buu -e- sharab-e-visaal hai,

Barsaao teer mujh pe pr itna jaan lo,

Pehlu main dil hai dil main tumhara khayal hai,

Aankhen larra ke un se hum aafaat main parr gaye,

Aankhon ki har zubaan pe dil ka sawaal hai,

Buut keh diya jo mene to ab bolte nahin,

Itni si baat ka tumhe itna khayal hai,

Main daamin -e- neyaaz main ashk-e-chakida hoon,

Koi uthaaa ke dekh le uthna muhaal hai,

Poocha jo unse jaante ho tum Jaleel ko,

Bole ke haan woh shayer-e- naazuk-khayal hai

Khuda karay ke meri arz-e-pak per utre,

Khuda karay ke meri arz-e-pak per utre,

Wo fasl-e-gul jisse andesha-e-zawaal na ho,

Yahan jo phool khilay, khila rahe sadiyon,

Yahan khizaan ko guzarne ki bi majaal na ho,

Yahan jo sabza ugay, hamesha sabz rahe,

Aur aisa sabz key jis ki koi missaaal na ho,

Khuda karay ke na kham ho sir-e-waqar-e-watan,

Aur is ke husn ko tashweesh -e- mah-o-saal na ho,

Her aik fard ho, tehzeeb-o-fun ka oaj-e-kamaal,

Koi maalool na ho, koi hassta haal na ho,

Khuda kare ke meray aik bhi hum’watan ke liye,

Hayaat jurm na ho, zindagi wabaal na ho

Bhoolne waley ne yeh bhi na socha hoga,

Bhoolne waley ne yeh bhi na socha hoga,

Aik do din nahin barson ki shanasaayi hai.

Hum musaafir yunhi masroof-e-safar jaayen ge,

Hum musaafir yunhi masroof-e-safar jaayen ge,

Be-nishaan ho gaye jab sheher to ghar jaayen ge,

Kis qadar hoga yahan mehr -o-wafa ka maatam,

Hum teri yaad se jis roz utar jaayen ge,

Jauhri band kiye jaate hain bazaar-e-sukhan,

Hum kisse bechne almaas-o-gauhar jayen ge,

Nemat-e-zeest ka yeh qarzz chukega kaise,

Laakh ghabraa ke yeh kehte hain rahen mar jaayen ge,

Shayed apna bhi koi bait hudi-khvan ban kar,

Saath jaaye ga mere yaar jidhar jaayen ge,

Faiz aate hain rah-e-ishq main jo sakht maqaam,

Aaney walon se kaho hum to guzar jaayen ge

Theher jao to nahi hai bastiyon main raasta,

Theher jao to nahi hai bastiyon main raasta,

Chal parro to paaniyon main raahguzar maujood hai.