Khuda karay ke meri arz-e-pak per utre,
Wo fasl-e-gul jisse andesha-e-zawaal na ho,
Yahan jo phool khilay, khila rahe sadiyon,
Yahan khizaan ko guzarne ki bi majaal na ho,
Yahan jo sabza ugay, hamesha sabz rahe,
Aur aisa sabz key jis ki koi missaaal na ho,
Khuda karay ke na kham ho sir-e-waqar-e-watan,
Aur is ke husn ko tashweesh -e- mah-o-saal na ho,
Her aik fard ho, tehzeeb-o-fun ka oaj-e-kamaal,
Koi maalool na ho, koi hassta haal na ho,
Khuda kare ke meray aik bhi hum’watan ke liye,
Hayaat jurm na ho, zindagi wabaal na ho
