Lagta nahii hai dil mera ujrre dayaar mein,

Lagta nahii hai dil mera ujrre dayaar mein,

Kis ki bannii hai aalam e na-paayedaar mein,

Keh do in hasraton se kahin aur ja basen,

Itni jagah kahan hai dil-e-daaghdaar main,

Umr-e-daraaz maang ke laaye the chaar din,

Do aarzuu mei katt gaye do intizaar main,

Kaanton ko mat nikaal chaman se o baaghbaan,

Yeh bhi gulon ke saath pale hain bahaar main,

Bulbul se koi shikwa na sayaad se gila,

Qismat mein qaid likhi thi fasl-e-bahaar main,

Kitna hai bdnaseeb “zafar” dafn ke liye,

Do gaz zameen bhi na mili kuu-e-yaar main.

Hijr ke mausam main yeh barish ka barassna kaisa,

Hijr ke mausam main yeh barish ka barassna kaisa,

Aik sehraa se samandar ke guzarna kaisa,

Aye mere dil na pareshaan ho tanhaa ho kar,

Woh tere saath chala kab tha, bicharrna kaisa,

Log to kehte hain gulshan ki tabaahi dekho,

Main to veeraan sa jungle tha, ujarrna kaisa,

Dekhne main to koi dard nahin dukh bhi nahin,

Phir yeh aankhon main asshkon ka ubharna kaisa,

Bewafa kehne ki jurat bhi na karna,

Uss ne iqraar kiya kab tha, to mukarna kaisa

Kch aesy hadsy bhi zindagi mai hoty hain

Kch aesy hadsy bhi zindagi mai hoty hain

Ky insan bach to jata hai, mgr zinda nai rehta.

Deedaar ki havass hai na shauq-e-visaal hai,

Deedaar ki havass hai na shauq-e-visaal hai,

Azaad har khayal se mast-e-khayal hai,

Keh do yeh kohkan se hi marna nahin kamaal,

Mar mar ke hijr-e-yaar main jeena kamaal hai,

Fatva diya hai mufti abr-e-bahaar ne,

Tauba ka khooon baada-kashon ko halaal hai,

Aankhen bata rahi hain jaage ho raat ko,

In saaghron main buu -e- sharab-e-visaal hai,

Barsaao teer mujh pe pr itna jaan lo,

Pehlu main dil hai dil main tumhara khayal hai,

Aankhen larra ke un se hum aafaat main parr gaye,

Aankhon ki har zubaan pe dil ka sawaal hai,

Buut keh diya jo mene to ab bolte nahin,

Itni si baat ka tumhe itna khayal hai,

Main daamin -e- neyaaz main ashk-e-chakida hoon,

Koi uthaaa ke dekh le uthna muhaal hai,

Poocha jo unse jaante ho tum Jaleel ko,

Bole ke haan woh shayer-e- naazuk-khayal hai

Khuda karay ke meri arz-e-pak per utre,

Khuda karay ke meri arz-e-pak per utre,

Wo fasl-e-gul jisse andesha-e-zawaal na ho,

Yahan jo phool khilay, khila rahe sadiyon,

Yahan khizaan ko guzarne ki bi majaal na ho,

Yahan jo sabza ugay, hamesha sabz rahe,

Aur aisa sabz key jis ki koi missaaal na ho,

Khuda karay ke na kham ho sir-e-waqar-e-watan,

Aur is ke husn ko tashweesh -e- mah-o-saal na ho,

Her aik fard ho, tehzeeb-o-fun ka oaj-e-kamaal,

Koi maalool na ho, koi hassta haal na ho,

Khuda kare ke meray aik bhi hum’watan ke liye,

Hayaat jurm na ho, zindagi wabaal na ho

Bhoolne waley ne yeh bhi na socha hoga,

Bhoolne waley ne yeh bhi na socha hoga,

Aik do din nahin barson ki shanasaayi hai.

Hum musaafir yunhi masroof-e-safar jaayen ge,

Hum musaafir yunhi masroof-e-safar jaayen ge,

Be-nishaan ho gaye jab sheher to ghar jaayen ge,

Kis qadar hoga yahan mehr -o-wafa ka maatam,

Hum teri yaad se jis roz utar jaayen ge,

Jauhri band kiye jaate hain bazaar-e-sukhan,

Hum kisse bechne almaas-o-gauhar jayen ge,

Nemat-e-zeest ka yeh qarzz chukega kaise,

Laakh ghabraa ke yeh kehte hain rahen mar jaayen ge,

Shayed apna bhi koi bait hudi-khvan ban kar,

Saath jaaye ga mere yaar jidhar jaayen ge,

Faiz aate hain rah-e-ishq main jo sakht maqaam,

Aaney walon se kaho hum to guzar jaayen ge

Theher jao to nahi hai bastiyon main raasta,

Theher jao to nahi hai bastiyon main raasta,

Chal parro to paaniyon main raahguzar maujood hai.

Ajnabi ban ke miloon ga main tujhe mehfil main,

Ajnabi ban ke miloon ga main tujhe mehfil main,

Tu ne chairri bhi to main baat badal jaaon ga

Han! Muhabbat tamam us pa hoi

Han! Muhabbat tamam us pa hoi

Ab jo hogi woh dil lagi hogi

Lab o Rukhsar chupa rakhy hain to ny hijab ma

Lab o Rukhsar chupa rakhy hain to ny hijab ma

Aankhen bta rahi hain _ _ _ _ to bandah Haseen hai

Jee to chahta hai tujhe cheer ky rakh dun ay "DIL"

Jee to chahta hai tujhe cheer ky rakh dun ay "DIL"

Na wo rahy tujh mai na tu rahy mujh mai

Chal dost kisi anjan basti ma chalen

Chal dost kisi anjan basti ma chalen

Is nagar mai to sabhi hum sy khafa rehty hain.

Ajab be basi ka aalam hai dil ky angan mai

Ajab be basi ka aalam hai dil ky angan mai

Taras gaye hain hum tery sath guftugo ky liye

Chandni raat ky khamosh sitaron ki qasam

Chandni raat ky khamosh sitaron ki qasam

Dil mai ab tery siwa koi bhi abbad nahi