Uski Aankhon Mein Mohabbat Ka Sitara Hoga,

Uski Aankhon Mein Mohabbat Ka Sitara Hoga, 

Ek Din Aayega Wo Shakhs Hamara Hoga,

Tum Jahan Mere Liye Seepiyan Chunti Hogi, 

Wo Kisi Aur Hi Duniya Ka Kinaara Hoga,

Zindagi.! Ab K Mera NaaM Shaamil Na Karna,

Gar Ye Tay Hai K Yehi Khel Dobara Hoga,

Jis k Hone Se Meri Saans Chala Karti Thi, 

Kis Tarah Usk Bagair Apna Guzara Hoga,

Ye Achanak Jo Ujala Sa Hua Jaata Hai, 

Dilne Chup k Se Tera Naam Pukara Hoga,

Ishq Karna Hai To Din Raat Use Sochna Hai, 

Aur Kuch Zehen Mein Aaya To Khasara Hoga,

Ye Jo Paani Mein Chala Aaya Sunehri Sa Garoor, 

Usne Dariya Mein Kahin Paao'n Utara Hoga,

Kaun Rota Hai Yahan Raat K Sannaton Mein,

Mere Jaisa Hi Koi Hijr Ka Maara Hoga,

Mujhko Malum Hai Joo'nhi Main Qadam Rakhunga, 

Zindagi Tera Koi Aur Kinara Hoga,

Jo Meri Rooh Mein Badal Se Garajte Hain Wasi, 

Usne Seene Mein Koi Dard Utara Hoga,

KaaM Mushkil Hai Magar Jeet Hi Lunga Usko, 

Mera Maula Ka Wasi Joonhi Ishara Hoga..

Book: Mujhe Sandal Kardo