Tumhari Yaad Bhi Jaana Kisi Muflis Ki Poonji Hai.

Tumhari Yaad Bhi Jaana Kisi Muflis Ki Poonji Hai. 

Jisay Hum Saath Rakhtay Hain Jisay Hum Roz Gintay Hain.

Muhabbat Rog Hay Jaana.

Muhabbat Rog Hay Jaana.

Ajab Sanjog Hay Jaana.

Yeh Kaisa Jog Hay Jaana.

Baray Borhay Btatay Thy.

Kayi Qissay Sunatay Thy.

Magar Hum Mantay Kab Thy.

Yeh Sab Kuch Jantay Kab Thy.

Yeh Baatein Zikr k Qabil Bhala Gardantay Kab Thy.

Ana k Takht Par Baithy Humein Maloom Hi Kab Tha. 

Ana k Takht Se Ooper Bohat Sari Bulandi Par.

Kahin Pariyon k Jhurmat Me.

Tery Pairoon Ki Payel Me.

Tery Chotay Se Gaaon Mei.

Ghani Zulfoon Ki Chaaon Mei.

Sitaray Chaand Sooraj Walehana Raqs Kartay Hain.

Humein Maloom Hi Kab Tha.

Tery Qadmon Ki Aahat Par.

Gulabi Muskurahat Par.

Tery Hontoon Ki Jumbash Par.

Tery Sir k Isharay Par.

Sada-e-DilBrana Par. Nigah-e-Qatilana Par.

Jafa-e-Mehrmana Par.

Ada-e-Kafirana Par. Chaman k Phool Saray Iss Tarah Se Dhayan Detay Hain.

Zara Se Wasl k Jhansey Mein Apni Jaan Detay Hain.

Humein Kab ILM Tha Jaana.

Tery Pekar Se Dhul kar Chandani Har Soo Bikharti Hay. 

Shab-e-Mahtab Ki Doshezgi Kaisy Nikharti Hay.

Teri Payel Ki Chan Chan Mann Mein Kya Ghanti Bajati Hay.

Teri Awaz Veerany Mein Kya Jadu Jagati Hay.

Tery Naghmay Fiza Mein Kis Tarah Jal Tarang Bajaty Hain.

Bohat Pukhta Iraday Kis Tarah Se Toot Jatay Hain.

Humein Idraak Hi Kab Tha.

Humein Kamil Bharosa Tha. Hamary Sath Kisi Surat Bhi Aisa Nahi Ho Ga.

Dil-e-Nadaan Kabhi Qaboo Se BeQaboo Nahi Ho Ga.

Magar Phir Yun Huwa Jaana.

Na Janay Kiun Huwa Jaana.

Bara Afsoon Huwa Jaana.

Jigar Ka Khoon Huwa Jaana.

Tery Abroo Ki Ik Jumbash Se Ghayel Ho Gaye Hum b.

Baray Be Multafit Phirtay Thy Maayel Ho Gaye Hum b.

Sakhawat Karnay Aye Thy Aur Saayel Ho Gaye Hum b.

Baray Borhoon Ki In Baaton k Qaayel Ho Gaye Hum b.

Muhabbat Rog Hay Jaana.

Ajab Sanjog Hay Jaana.

Yeh Kaisa Jog Hay Jaana

Teri yaadein Mulakaatein.

Teri yaadein Mulakaatein. 
Main kaise bhoolon Chahat ki wo barsaatein. 

Toohi mera dil hai Toohi meri jaan. 

Kabhi to paas mere aao. 
Kabhi to nazrein mujhse milao. 
Kabhi to dil se dil ko milao O Jaana. 

Meri jaan Palkein yon na jhukaana. 
Meri jaan Mujhse door na jaana. 
Meri jaan mujhko bhool na jaana. 
O Jaana. 

Mujhe lauta de Wo mera pyaar. 

Main tera hi Deewana hoon. 
Teri baatein Kabhi main bhool na paon.. 

Toohi Mera dil hai Toohi meri jaan. 

yaara Kyun khafa ho mujhse. 
O yaara kyun juda ho mujhse. 
O yaara mera pyaar hai tujhse. 
O Jaana. 

Tere bin Dillagi hai adhoori. 
Tere bin Aashiqi hai adhoori. 
Mujhe milna hai tujhse zaroori O Jaana. 

Mujhe lauta de wo Mera pyaar. 
Mujhe lauta de wo Mera pyaar.

Shabnam ke aansoo phool par ye toh wahi qissa hua,

Shabnam ke aansoo phool par ye toh wahi qissa hua,

aankhen meri bheegi hui chehra tera utra hua.

Ab in dinon meri ghazal khushboo ki ek tasveer hai,

har lafz ghunche ki tarah khil kar tera chehra hua.

Shayad usey bhi le gaye achchhe dinon ke qaafile,

is bagh mein ek phool tha teri tarah hansta hua.

Har cheez hai bazaar mein is haath de us haath le,

izzat gayi, shohrat gayi, rushwa hue, charcha hua.

Mandir gaye, masjid gaye, peeron faqeeron se mile,

ek us ko paane ke liye kya kya kiya, kya kya hua.

Anmol moti pyar ke duniya chura kar le gayi,

dil ki haveli mein koi darwaza tha toota hua.

Barsaat mein deewar-o-dar ki saari tahreeren mitin,

dhoya bahut mita nahin taqdeer ka likha hua. !!

Saja kar apni hi aankh hazaar chehron pe,

Saja kar apni hi aankh hazaar chehron pe,

kiya hai maine sadaa aitbaar chehron pe.

Main teri bazm mein kis kis se dushmani leta?

likha tha naam tera be’shumaar chehron pe 

tu baDe pyar se baDe chaao se baDe armaan ke saath

tu baDe pyar se baDe chaao se baDe armaan ke saath

apani naazuk si kalayee mein chaDhati mujh ko

aur betaabi se furqat ke KhizaaN lamhon mein

tu kisi soch mein Doobi jo ghumatii mujh ko

main tere haath ki Khushbu se mahak saa jata

jab kabhi mooD mein aa kar mujhe chuma karti

tere honTon ki shiddat se main dahak saa jata

raat ko jab bhi tu neendon ke safar par jati

marmari haath kaa ik takiya banaya karti

main tere kaan se lag kar kai baaten karta

teri zulfon ko tere gaal ko chumaa karta

jab bhi tu band qabaa kholne lagati jaanaaN

apani aankhon ko tere husn se kheraa karta

mujh ko betaab saa rakhta teri chaahat kaa nashaa

main teri rooh ke gulshan mein mahakata rahta

main tere jism ke aangan mein khanakata rahta

kuchh nahi to yahi benaam saa bandhan hota

Mere Naseeb Me Phir Ye Bahar Ho K Na Ho

Mere Naseeb Me Phir Ye Bahar Ho K Na Ho

Najane Phir Wo Mera Ghumgusar Ho K Na Ho

Yehi Buhat Hy K Ek Shakhs Chain Pa Jaey

Bhale Darkht Buhat Saya Dar Ho K Na Ho.. !

Isi Gumaan Ne Kbhi Lotne Diya Na Mujhy

Najane Usko Mera Intzar Ho K Na Ho

Magr Ye Tyy Hai K Me Uske Gum Men Rehta Hun

Mere Liye Wo Bhale BeQrar Ho K Na Ho

Me Dhop Ban Nhi Sakta ‘WASI’Kisi K Liye

Mere Liye Koi Abr E Bahar Ho K Na Ho.

Tum ne kaha tha,

Tum ne kaha tha,

Pehli barish ke parte hi,

Laut aao ge..!!

Hum aur tum mil kar bheegain ge,

Dekho jana..!!

Kitni phua’rain beet chuki hain,

Saawan phir se laut ke aaya hai,

Barson pehle kiya tha tum ne,

Mujh se ehad,

Nibhaa jao na,

Janaan! Laut ke aajao naa,

Ab to laut ke aajao naa..

Ab koi yaar hai na baili hai,

Ab koi yaar hai na baili hai,

Zindagi dard ki saheli hai,

Uthne joga nahin hai tere baad,

Dil ne takleef aesi jhaili hai,

Sham se is liye mohabbat hai,

Teri yadon ke sath kheli hai,

Muztarib kyon na hoon shab-e-hijran,

Dard ki gaud mein akeli hai,

Koi batlaye khawab ka mafhoom,

Raat hai, saamp hai, chambeli hai,

In lakeeron mein tu nahin to Wasi,

Kitni veeran yeh hatheli hai.

dayar-e-gair mein kaise tujhe sada dete

dayar-e-gair mein kaise tujhe sada dete

tu mil bhi jata to tujhe ganwa dete

tumhin ne ham ko sunaya na apna dukh warna

dua wo karte k ham asman hila dete

hamein ye zom raha ab k wo pukarenge

unhen ye zid thi k har bar ham sada dete

wo tera gam tha k tasir mere lahje ki

k jis ko hal sunate use rula dete

tumhen bhulna hi awwal to dastaras mein nahin

jo ikhtiyar bhi hota to kya bhula dete

tumhari yad ne koi jawab hi na diya

mere khayal k ansu rahe sada dete

samton ko main ta-umr kosta Syed

wo kuch na kahte magar honth to hila dete

Dil Ki Cho'khaat Pe Jo Ak Deep Jala Rakha Hai

Dil Ki Cho'khaat Pe Jo Ak Deep Jala Rakha Hai

Tere Loot Anay Ka Emkaan Saja Rakha Hai

Sans Taak Bhi Nahi Laite Tujhai Sochte Hoyee

Hum Ne Is Kaam Ko Bhi Kaal Pe uTha Rakha Hai

Rooth Jate Ho To Kuch Or Haseen Lagte Ho

Hum Ne Ye Soch K Hee Tum Ko Khafa Rakha Hai

Tum Jesi Rootha Howa Choor Gayee Thay Ak Din

Hum Ne Us Shaam Ko Seenay Say Laga Rakha Hai

Chein Laine Nahi Daite Ye Kisi Toor Mujhai

Teri Yadoon Ne Jo Tufaan Utha Rakha Hai

Janay Walay Ne Kaha Tha K Wo Loote Ga Zaror

Ak Isee Aass Pee Darwaza Khula Rakha Hai

Tere Janay Say Jo k Dhol Uthee Thi Ghaam Ki

Hum Ne Us Dhool Ko Ankhon Main Basa Rakha Hai

Mujh Ko Kal Shaam Say Wo Yaad Bohut Ane Lagay

Dil Ne Mud'dat Say Jo Ak Shaks Bhula Rakha Hai

Akhri Bar Jo Ayaa Tha Mere Naam

Main Ne Us Khaat Ko Kaalejay Say Laga Rakha Hai.

Teri Aankhon Ko Parhta Hoon Tou Aankhen Bheeg Jaati Hain

Teri Aankhon Ko Parhta Hoon Tou Aankhen Bheeg Jaati Hain

tum meri ankh k tewar na bhula paoge

ankahi bat ko samjhoge to yad aunga

ham ne khushyon ki tarah dukh bhi ikathe dekhe

safah-e-zist ko paltoge to yad aunga

isi andaz mein hote the mukhatib mujh se

khat kisi aur ko likhoge to yad aunga

sard raton k mahkate hue sannaton mein

jab kisi phul ko chumoge to yad aunga

ab tere ashk main honthon se chura leta hun

hath se khud inhen ponchoge to yad aunga

shal pahnayega ab kaun decembar mein tumhen

barishon mein kabhi bhigo ge to yad aunga

aj tum mahfil-e-yaran pe ho magrur bahut

jab kabhi tut k bikhroge to yad aunga

hadse ayenge jiwan mein to tum ho k nidhal

kisi diwar ko thamoge to yad aunga

is mein shamil hai meri bakht ki tariki bhi

tum siyah rang jo pahnoge to yad aunga

Tumhara Naam Likhne Ki Ijazat Chhin Gayi Jab Se

Tumhara Naam Likhne Ki Ijazat Chhin Gayi Jab Se

Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay

Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein

Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se

Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain

Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi

Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain

Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko

Ghareeb Aankhon Se Takta Hoon Tou Aankhen Bheeg Jaati Hain

Tere Kooche Se Ab Mera Ta'alluq Wajbi Sa Hay

Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per

Wasi Main Jab Bhi Hansta Hoon Tou Aankhen Bheeg Jaati Hain

Tre Gale Mein Jo Banhon Ko Daal Rakhte Hain

Tre Gale Mein Jo Banhon Ko Daal Rakhte Hain

Tujhe Manane Ka Kaisa Kamal Rakhte Hain

Tujhe Khabar Hay Tujhe Sochne kI khatir

Bahot Se Kaam Muqaddar Pe Taal Rakhte Hain

Koi Bhi Faisla Hum Soch Kar Nahi Karte

Tumhare  Naam Ka Sikka Uchhaal Rakhte Hain

Tumhare Ba'ad Ye Aadat Si Ho Gayi Apni

bikharte Sookhte Patte Sanbhaal Rakhte Hain

Khushi Si Milti Hay Khud ko Aziyyaten De Kar

So Jaan Boojh K Dil Ko Nidhaal Rakhte Hain

Kabhi Kabhi Wo Mujhe Hans K Dekh Lete Hain

Kabhi Kabhi Mera Behad Khayaal Rakhte Hain

Tumhare Hijr Main Ye Haal ho Gaya Apna 

Kisi Ka Khat Ho Usse Bhi Sanbhaal Rakhte Hain

Khushi Mile Tou Tere Ba'ad Khush Nahi Hote

Hum Apni Aankh Mein Her Dam Malaal Rakhte Hain

Zamane Bhar Se Chhupa Kar Wo Apne Aanchal Mein 

Mere Wujood K Tukre Sanbhaal Rakhte Hain

Kuchh Iss Liye Bhi Tou Behaal ho Gaye Hum Log

Tumhari Yaad Ka Behad Khayaal Rakhte Hain

Dukh dard k maron se mera zikar na karna,

Dukh dard k maron se mera zikar na karna,

Ghar jao to yaron se mera zikar na karna...

Wo zabat na kar payn ge ankhon k samandar,

Tum raah guzaron se mera zikar na karna...

Phoolon ke nasheman me raha hon me sada se !

Daiko kabhi kharon se mera zikar na karna...

Shaid ye andheray hi mujhe raah dikhaen,

Abb chand sitaron se mera zikar na karna...

Wo meri kahani ko ghalat rang na de dain,

Afsana nigaron se mera zikar na karna...

Shaid wo mere haal pe be-sakhata roo dain,

Iss bar baharon se mera zikar na karna...

Le jaen ge gehrai me tum ko bhi baha kar,

Darya ke kinaron se mera zikar na karna...

Wo shakhs mile to use har bat batana,

Tum sirf isharon se mera zikar na karna..