Usay kehna Hamain kab FarQ parta hai

Usay kehna Hamain kab FarQ parta hai 

K hum to Shaakh se tootay howay Pattay 

BohAt Arsa hua Hum ko Raggein tak Marr Chuki Dil ki 

Koi Paon talay Roundey Jalaa kar Raakh kar daalay 

Hawa k Hath par rakh kar 

Kahin bhi Phaink day Hum ko 

Sapurd e Khaak kar dalay 

Hamain ab Yad hi kab hai 

K Hum bhi Aik Mousam thay 

Kisi Gulshan ki Zeenat thay 

Kisi Tehni ki Qismat thay 

Kai Aankhon ki Rahat thay 

Ya jeewan ki Hararat thay 

Bohat Arsa howa wo khawab Sa Mousam 

Hamaray Hath se Phisla 

Ya Shayad phir Khizaan Mousam ko Hum Apna samjh bethay 

So Uss Dinn se Kisi Mousam se ab apna 

Koi Rishta nahi banta 

Kisi ki Shakh ki bahien Hamain Pehchanti kab hain.. 

Kabhi hum un ki Dharkan thay 

Yeh Shakhein Maanti kab hain..