Main aik shaam jo lauta gham-e-jahaan ban kar,

Main aik shaam jo lauta gham-e-jahaan ban kar, 

Bikhar k reh gaya raaho'n ki daastaan ban kar. 

Main khud mein goonjta hoon ban k tera sannaata, 

Mujhe na dekh meri tarha be'zabaan ban kar. 

Main apne aap ka wo shor tha, tujhe pa kar, 

Tujhe dara diya aawaaz-e-be-amaan ban kar. 

Har aik shakhs hai afwaah aap hi apni, 

Har aik shakhs ko jaanta hai har koi gumaan ban kar. 

Tamaam simten palat'ti si jaan parrti hain, 

Puhanch raha hoon kahaan dard-e-la'makaan ban kar. 

Ye kis ko dhoond raha hoon main aik arsay se, 

Khud apna hi koi bhatka huwa nishaan ban kar. 

Jo khud thay apni sada ka yaqeen, wahi to hain hum, 

Pahaarr jaise koi urr gaya dhuwaan ban kar. 

TU kar k radd mujhe khud ko zara qubool to kar, 

Kharra hoon teray liye aik imtihaan ban kar. 

Khud apni baat ka dukh ban k reh na jaa, Ay Talkh 

Har aik dil mein sama jaa gham-e-jahaan ban kar. 

Poet: Manmohan Talkh