Barish Shayari,Barish aur mohabbat dono hi bohat yaadgar hote hain,

Barish Shayari

Barish aur mohabbat dono hi bohat yaadgar hote hain,

Farq sirf itna hai,

Barish main jism bheeg jata hai aur mohabbat main ankhain.

Barish Shayari,Teri qurbat bhi nahin hai muyassar,

Barish Shayari

Teri qurbat bhi nahin hai muyassar,

Aur din bhi barishon ke aa gaye hain

Barish Shayari,Kya rog de gayi hai yeh naye mausam ki barish

Barish Shayari

Kya rog de gayi hai yeh naye mausam ki barish,

Mujhe yaad aa arahe hain mujhe bhool jane waley

Aansoo Shayari Zabt karna hai to phir hadh se guzarna ho ga,

Aansoo Shayari

Zabt karna hai to phir hadh se guzarna ho ga,

Khoon ho jaye yeh dil, aankh na bharne paye..

Kami nahi hai kisi cheez ki magar,Aansoo Shayari

Aansoo Shayari

Kami nahi hai kisi cheez ki magar,

Akela beth ke roya hoon zaar zaar bohat

Raah takte jab thak gayi meri aankhain,Aansoo Shayari

Aansoo Shayari

Raah takte jab thak gayi meri aankhain,

Phir tujhe dhoondne meri aankh ke aansu nikle

Aansoo Shayari Zamaane ke sawalon ko main hanss ke taal doon lekin,

Aansoo Shayari

Zamaane ke sawalon ko main hanss ke taal doon lekin,

Nammi ankhon ki kehti hai mujhe tum yaad atey ho.

Aansoo Shayari, Jo zubaan se beyaan nahin hote,

Aansoo Shayari

Jo zubaan se beyaan nahin hote,

Unhi lafzon se ashkk bante hain

Aansoo Shayari

Aansoo Shayari

Aaj aansuu tum ne poncchhe bhi to kya,

Yeh to apna umr bhar ka kaam hai

Qateel Shifai Poetry Siskian Leti Howi Ghamgeen Hawaon, Chup Raho

Qateel Shifai Poetry

Siskian Leti Howi Ghamgeen Hawaon, Chup 

Raho

So Rahain Hain Dard, In Ko Mat Jagao, Chup

 Raho

Raat Ka Pathar Na Pighlay Ga Shuaaon Ke 

Bagair

Subaah Honay Tak Na Bolo Ham Nawao,

 Chup Raho

Band Hain Sab Mai Kaday, Saaqi Banay Hain 

Mohtasib

Ay Garajti Goonjti Kaali Ghataaon,Chup Raho

Tum Ko Hai Maaloom Aakhir Kon Sa Mausam 

Hai Ye

Fasl-e-Gul Aanay Talak Ay Khushnawao, 

Chup Raho

Soch Ki Deewaar Se Lag Kar Hain Gham 

Baithay Howay

Dil Mein Bhi Naghma Na Koi Gungunao, Chup

 Raho

Chhat Gaye Haalaat Ke Baadal Tou Dekha

 Jaaye Ga

Waqt Se Phele Andhairay Mein Na Jao, Chup 

Raho

Kiun Shareek-e-Gham Banaatay Ho Kisi Ko 

Ay “Qateel” ?

Apni Sooli Apne Kaandhay Per Uthaao, Chup 

Raho

Qateel Shifai Poetry Hijr Ki Pehli Shaam Ke Saaye Door Ufaq Tak Chhaaye Thay

Qateel Shifai Poetry

Hijr Ki Pehli Shaam Ke Saaye Door Ufaq Tak Chhaaye Thay

Ham Jab Os Ke Seher Se Niklay Sab Raastay Saath Laye Thay

Jaanay Wo Kia Soch Raha Tha Apne Dil Mein Saari Raat

Pyaar Ki Baatain Kartay Kartay Os Ke Nain Bhar Aaye Thay

Mere Andar Chali Thi Aandhi Theek Osi Din Pat Jharr Ki

Jis Din Apne Jorray Mein Os Ne Kuch Phool Sajaaye Thay

Os Ne Kitnay Pyaar Se Apna Kufar Dia Nazraanay Mein

Ham Apne Emaan Ka Sodaa Jis Se Karnay Aaye Thay

Kaisay Jati Mere Badan Se Beetay Lamhon Ki Khushbuu

Khwaabon Ki Is Basti Mein Kuch Phool Mere Hamsaaye Thay

Kaisa Pyaara Manzar Tha Jab Dekh Ke Apne Saathi Ko

Pairr Pe Bethi Ek Chirrya Ne Apne Per Phailaaye Thay

Rukhsat Ke Din Bheegi Aankhon Os Ka Wo Kehna Haye “Qateel”

Tum Ko Lout Hee Jana Tha Tou Is Nagri Mein Kiun Aaye Thay

Qateel Shifai Poetry Sadmaa to hai mujhe bhi ke tujhse judaa hoon main,

Qateel Shifai Poetry

Sadmaa to hai mujhe bhi ke tujhse judaa hoon main,

Lekin yeh sochta hoon ke ab tera kya hoon main,

Mein khudkushi ke jurm ka karta hoon aitraaf,

Apne badan ki kabr mein, kab se garrhaa hoon mein,

Kis kis ka naam laaon zubaan par ke tere saath ,

Har roz ek shaks neya dekhta hoon ,

Kyaa jaane kis adaa se liya tu ne mera naam ,

Duniyaa samajh rahi hai, ke sab kuch tera hoon main,

Le mere tajrubon se sabak, aye mere raqeeb,

Do-chaar saal umar mein, tujhse barra hoon main,

Jaaga huwa zameer woh aiyeena hai “Qateel”,

Soney se pehlay roz, jisey dekhta raha hoon main..

Ab bhi uss ke khat aate hain…

Ab bhi uss ke khat aate hain…

Bheege bheege aur bheene jaadu mein lipte ..!

Mausam, khushboo, ghar walon ki baaten kar ke,

Apne dil ka haal sabhao se likhti hai ..!

Ab bhi uss ke sab lafzon se kachche jazbe phoot aate hain ..!

Ab bhi uss ke khat mein mausam geet sunaane lag jaate hain ..!

Ab bhi dhoop nikal aati hai baadal chhaane lag jaate hain ..!

Ab bhi uss ke jism ki khushboo haathon se ho kar lafzon tak,

Aur phir mujh tak aati hai ..!

Ab bhi uss ke khat mein aksar chaand ubharne lagta hai ..!

Shaam utre toh un lafzon mein sooraj doobne lagta hai ..!

Ab bhi uss ke khat padh kar mujh mein kuchh tootne lagta hai ..!

Ab bhi khat ke kone mein woh ek deep jalaati hai ..!

Ab bhi mere naam pe apne ujle honth bana deti hai ..!

Ab bhi uss ke khat aa jate hain..

Bheege bheege aur bheene jaadu mein lipte,

Ab bhi uss ke khat aate hain …!!

Aankhon se mere iss liye laali nahin jaati,

Aankhon se mere iss liye laali nahin jaati,

yaadon se koi raat jo khaali nahin jaati.

Ab umar, na mausam, na woh raaste ki wo palte

iss dil ki magar kham khyali nahin jaati.

Maange tu agar jaan bhi hans ke tujhe de dein,

teri toh koi baat bhi taali nahin jaati.

Aaye koi aa kar tere dard sambhaale,

hum se toh ye jageer sambhaali nahin jaati.

Maloom humhein bhi hain bahut se tere qissey,

par baat teri hum se uchhaali nahin jaati.

Humraah tere phool khilte the jo dil mein,

ab shaam wohi dard se khaali nahin jaati.

Hum jaan se jaayege tab hi baat banegi,

tum se toh koi raah nikaali nahin jaati. 

Baandh lein haath pe, seene pe sajaa lein tum ko

Baandh lein haath pe, seene pe sajaa lein tum ko

jee mein aata hai ki taaveez bana lein tum ko.

Phir tumhen roz sanwaaren, tumhen badhta dekhen

kyon na aangan mein chambeli sa laga lein tum ko.

Jaise baalon mein koi phool chuna karta hai

ghar ke guldaan mein phool sa saja lein tum ko.

Kya ajab khwaahish uthti hain humare dil mein

kar ke munna sa, hawaaon mein uchhaalen tum ko.

Iss qadar toot kar tum par pyaar aata hai

apni baahon mein bharen maar hi daalen tum ko.

Kabhi khwaabon ki tarha aankh ke parde mein raho

kabhi khwaahish ki tarha dil mein bula lein tum ko.

Hai tumhare liye kuchh aisi aqeedat dil mein

apne haathon mein dua sa utha lein tum ko.

Jaan dene ki ijaazat bhi nahin dete ho

warna mar jaayen abhi mar ke manaa lein tum ko.

Jis tarha raat ke seene mein hai mahtaab ka noor

apne taareek makaanon mein sajaa lein tum ko.

Ab toh bas ek hi khwaahish hai kisi mod par tum

hum ko bikhre hue mil jaao, sambhaalen tum ko. !!