Mat KAro Behas Haar Jaow Gi

Mat KAro Behas Haar Jaow Gi

Hussan Itni Barri Daleel Nahi 

Daleel Thi Na Koi Hawala Tha Un K Pass

Daleel Thi Na Koi Hawala Tha Un K Pass

Ajeeb Log Thay Bus Ikhtelaf Rakthay Thay

Chorr diya hum ne hamaisha k liye us ki aarzoo karna

Chorr diya hum ne hamaisha k liye us ki aarzoo karna 

Jis ko mohabbat ki qadar na  ho usay duaon main kya mangna

Raiza raiza bekhri hon main jin ko chotton se

Raiza raiza bekhri hon main jin ko chotton se 

Mujh ko pathar dil kehtay hay pathar jaisay log

Baat Nikalegii To Phir Duur Talak Jaayegii

Baat Nikalegii To Phir Duur Talak Jaayegii 

Log Bevajah Udaasii Kaa Sabab Puuchhenge 

Ye Bhii Puuchhege Ki Tum Itanii Pareshaan Kyuun ho

Ungaliyaan Uthengii Sukhe Huye Baalon Kii Taraf 

Ik Nazar Dekhenge Guzare Huye Saalon Kii Taraf

Chudiyon Par Bhii Ka_Ii Tanz Kiye Jaayenge 

Kaanpate Haathon Pe Bhii Fikre Kase Jaayenge

Log Zaalim Hain Har Ik Baat Kaa Taanaa Denge 

Baaton Baaton Men Meraa Zikr Bhii Le Aayenge

Unakii Baaton Kaa Zaraa Saa Bhii Asar Mat Lenaa 

Varnaa Chehare Ke Taasur Se Samajh Jaayenge

Chaahe Kuchh Bhii Ho Savaalaat Na Karanaa Unse 

Mere Baare Men Koi Baat Na Karanaa Unse

Baat Nikalegii To Phir Duur Talak Jaayegii

"Justju Unko Baharon Ki Hai Veeranon Mein"

"Justju Unko Baharon Ki Hai Veeranon Mein" 

Justju Unko Baharon Ki Hai Veeranon Mein 

Dhoondte Fhirte Hain Apnon Ko Ve Baigaanon Mein 

Jo Udaate Te Hasi Ishq Ke Bimaaron Ki 

Khud Wahi Aaj Hain Shaamil Unhi Deewanon Mein 

Kuch Na Kuch Khot Mili,Sab Ke Dilon Mein, Fhir Bhi 

Hum Farishton Ko Rahe Doondte, Insaanon Mein 

Kisliye Shamma Pe Vo Jaan Gavaye Naahak 

Behas Hothi Hain Yahi Aaj Ke Parvaanon Mein 

Beyimaani Ke Fasadon Ke Sitam Ke Kisse 

Ab Nazar Aate Hain Akbaaron Ke Unvaanon Mein 

Hain Yakeen Jinko Doston Ki Yaari Par 

Kyu Shummar Unka Na Duniya Kare Naadaanon Mein 

Pooch Lo Nasha Kaisa Hai Har Katre Mein 

Maye Chalakti Hain Jo In Aankhon Ke Paimaanon Mein

Aa Gayi Yaad Shaam Dhale Hi

Aa Gayi Yaad Shaam Dhale Hi

bujh gayaa dil chiraaGh jalte hii

khul gaye shahr-e-Gham ke darvaaze

ek zaraa sii havaa ke chalte hii

(shahr-e-Gham : city of sufferings)

kaun thaa tuu ke phir na dekhaa tujhe

miT gayaa Khvaab aaNkh malte hii

tuu bhii jaise badal saa jaataa hai

aks-e-diivaar ke badalte hii

Aaghaaz To Hota Hai Anjaam Nahi Hota

Aaghaaz To Hota Hai Anjaam Nahi Hota 

Jab Merii Kahaanii Men Vo Naam Nahiin Hotaa

Jab Zulf Kii Kaalikh Men Ghul Jaaye Ko’ii Raahii 

Bad-Naam Sahii Lekin Gum-Naam Nahiin Hotaa

Hans Hans Ke Javaan Dil Ke Ham Kyoun Na Chune Tukre 

Har Shakhs Kii Qismat Men Ina’am Nahiin Hotaa

Bahte Hu’e Aansuu Ne Aankhon Se Kahaa Tham Kar 

Jo Mae Se Pighal Jaaye Vo Jaam Nahiin Hotaa

Din Duube Hain Yaa Duubii Baaraat Liye Kashtii 

Saahil Pe Magar Ko’ii Kohraam Nahiin Hotaa

Sunte Hain Phir Chhup Chhup Unke Ghar Men Aate Jaate Ho

Sunte Hain Phir Chhup Chhup Unke Ghar Men Aate Jaate Ho 

Insha Saahab Naahaq Jii Ko Vahshat Men Uljhaate Ho

Dil Kii Baat Chhupaanii Mushkil,Lekin Khuub Chhupaate Ho 

Ban Men Daanaa,Sha’hr Ke Andar Diivane Kehlaate Ho

Bekal Bekal Rahte Ho, Par Mehfil Ke Aadaab Ke Saath 

Aankh Churaa Kar Dekh Bhii Lete Ho, Bhole Bhii Ban Jaate Ho

Peet Men Aise Laakh Jatan Hain, Lekin Ek Din Sab Nakaam 

Aap Jahaan Men Rusvaa Hoge, Vaaz Hamen Farmaate Ho

Ham se naam junuun kaa qaayam, ham se dasht kii aabaadii 

ham se dard ka shikvaa karte, ham ko zakhm dikhaate ho?

Faqeerana Aaye Sada Kar Chale

Faqeerana Aaye Sada Kar Chale

Miyan khush raho ham dua ker chale.

Jo tujh bin na jeene ko kahte the ham,

So is ahd ko ab wafa kar chale.

Koi naumidana karte nigah,

So tum ham se munh bhi chhipa kar chale.

Bahut aarzoo thi gali ki teri,

So yaan se lahu mein naha kar chale.

Dikhai diye yun ke bekhud kiya,

Hamen aap se bhi juda kar chale.

Jabin sijda karte hi karte gayi,

Haq-e-bandgi ham ada kar chale.

Prastash ki yaan taeen ke ai but tujhe,

Nazr mein sabhon ki Khuda kar chale.

Gayi umr dar band-e-fikr-e-ghazal,

So is fan ko aisa bara kar chale.

Kahen kya jo puchhe koi ham se Mir,

Jahaan mein tum ae the kya kar chale

Ghum Sum Howa Awaz Ka Dariya Tha Wo Ek Shakhs

Ghum Sum Howa Awaz Ka Dariya Tha Wo Ek Shakhs

Pathar bhi naheen ab wo sitara tha jo ik shakhs 

Shayd wo bhi koi harf-e-wafa dhoond raha tha 

Chehroon ko baray ghor se parta the wo ik shaks 

Sehra kee tarah dair se piyasa tha wo shayd 

Badal kee tarah toot key barsa tha wo ik shakhs 

Ay taiz hawa koi khabar us key janoon kee! 

Tanha safr-e-shouq pe nikla tha jo ik shakhs 

Ab akhree sitroon main kaheen naam hai us ka 

Ahbaba kee feh-rist main pehla tha jo ik shakhs 

Hathoon main chhupay hoay phirta hai kai zakham 

Sheeshay key khilonon se behilta tha jo ik shakhs 

Mur mur key isay dekhna chahain meri akhain 

Kuchh door mujay chhornay aaya tha jo ik shakhs 

Har zehn main kuchh naqsh-e-wafa chhor ghia hai 

Kehnay ko bharay shehr main tanha tha jo ik shakhs 

Munkar hai wohee ab meri pehchan ka MOHSIN 

Aksar mujay khat khoon se likhta tha jo ik shakhs

"Saza Pe Chor Diya Jaza Pe Chor Diya"

"Saza Pe Chor Diya Jaza Pe Chor Diya"

Saza Pe Chor Diya Jaza Pe Chor Diya

Har Ek Kam Hum Ne Khuda Pe Chor Diya

Woh Hum Ko Yad Rahkta Ya Bhula Deta

Usi Ka Kam Tha Usi Ki Raza Pe Chor Diya

Us Ki Marzi Bujha De Ya Phir Jala Rakhe

Cheragh Hum Ne Jala Kar Hawa Pe Chor Diya

Us Se Baat Bhi Karte Tu Kis Tarhan Karte

Yeh Masal Dua Ka Tha Dua Pe Chor Diya

Iss Liye Tu Woh Kehte Hain Bewafa Hum Ko

K Hum NE Sara Zamana Wafa Pe Chor Diya

"Yahi Bohat Hai K Qayam Rahay Wafa Ka Bharam

"Yahi Bohat Hai K Qayam Rahay Wafa Ka Bharam

Koi Kisi Ka Howa Bi Hai Ummer Bhar K Liyey"

Ulfat ke fasaane ki na baat karo hum se,

Ulfat ke fasaane ki na baat karo hum se, 

Is dil ko dukhaane ki na baat karo hum se,

Ik aur bhi hae armaan mehboob tumhein dekhoon, 

Bekaar bahaane ki na baat karo hum se, 

... 

Ik chout lagi dil per ik aah ubhar aai, 

Yeh zakhm chhupaane ki na baat karo hum se, 

Jis dil mein basaaya tha woh torr diya tum ne, 

Is ghar ko banaane ki na baat karo hum se, 

Kis tarh katey jeewan ab chal na sakein tanha, 

Yeh boujh uthaane ki na baat karo hum se, 

Kuchh loug khafa haen to roothey hi rahein hum se, 

Phir un ko manaane ki na baat karo hum se, 

Kyoon lout ke aaey ho jab toot gaya bandhan, 

Ab baat barrhaane ki na baat karo hum se.

Ek Chand Tanha Khara Raha

Ek Chand Tanha Khara Raha

Merey aasmaan se zara pary,

Merey saath saath saffar mei tha

Merii manzilloon sey zara pary,

Terii justujuu ke hisaar sey

Terey khwaab terey khayal sey,

Maii wo shakhs thaa jo khara raha

Terii chaahatoon sey zara pary,

Kabhii dil kii baat kahii na thii

Jo kahi to wo bhi dabee dabee,

Merey lafz poorey to they magar

Terii samaa'toon sey zara pary,

Tuu chalaa gaya merey ham.safar

Zara daykh murr ke to eik nazar,

Merii kashtiyaa han jalii huii

Terey saahiloo sey zara pary