Faqeerana Aaye Sada Kar Chale

Faqeerana Aaye Sada Kar Chale

Miyan khush raho ham dua ker chale.

Jo tujh bin na jeene ko kahte the ham,

So is ahd ko ab wafa kar chale.

Koi naumidana karte nigah,

So tum ham se munh bhi chhipa kar chale.

Bahut aarzoo thi gali ki teri,

So yaan se lahu mein naha kar chale.

Dikhai diye yun ke bekhud kiya,

Hamen aap se bhi juda kar chale.

Jabin sijda karte hi karte gayi,

Haq-e-bandgi ham ada kar chale.

Prastash ki yaan taeen ke ai but tujhe,

Nazr mein sabhon ki Khuda kar chale.

Gayi umr dar band-e-fikr-e-ghazal,

So is fan ko aisa bara kar chale.

Kahen kya jo puchhe koi ham se Mir,

Jahaan mein tum ae the kya kar chale

Ghum Sum Howa Awaz Ka Dariya Tha Wo Ek Shakhs

Ghum Sum Howa Awaz Ka Dariya Tha Wo Ek Shakhs

Pathar bhi naheen ab wo sitara tha jo ik shakhs 

Shayd wo bhi koi harf-e-wafa dhoond raha tha 

Chehroon ko baray ghor se parta the wo ik shaks 

Sehra kee tarah dair se piyasa tha wo shayd 

Badal kee tarah toot key barsa tha wo ik shakhs 

Ay taiz hawa koi khabar us key janoon kee! 

Tanha safr-e-shouq pe nikla tha jo ik shakhs 

Ab akhree sitroon main kaheen naam hai us ka 

Ahbaba kee feh-rist main pehla tha jo ik shakhs 

Hathoon main chhupay hoay phirta hai kai zakham 

Sheeshay key khilonon se behilta tha jo ik shakhs 

Mur mur key isay dekhna chahain meri akhain 

Kuchh door mujay chhornay aaya tha jo ik shakhs 

Har zehn main kuchh naqsh-e-wafa chhor ghia hai 

Kehnay ko bharay shehr main tanha tha jo ik shakhs 

Munkar hai wohee ab meri pehchan ka MOHSIN 

Aksar mujay khat khoon se likhta tha jo ik shakhs

"Saza Pe Chor Diya Jaza Pe Chor Diya"

"Saza Pe Chor Diya Jaza Pe Chor Diya"

Saza Pe Chor Diya Jaza Pe Chor Diya

Har Ek Kam Hum Ne Khuda Pe Chor Diya

Woh Hum Ko Yad Rahkta Ya Bhula Deta

Usi Ka Kam Tha Usi Ki Raza Pe Chor Diya

Us Ki Marzi Bujha De Ya Phir Jala Rakhe

Cheragh Hum Ne Jala Kar Hawa Pe Chor Diya

Us Se Baat Bhi Karte Tu Kis Tarhan Karte

Yeh Masal Dua Ka Tha Dua Pe Chor Diya

Iss Liye Tu Woh Kehte Hain Bewafa Hum Ko

K Hum NE Sara Zamana Wafa Pe Chor Diya

"Yahi Bohat Hai K Qayam Rahay Wafa Ka Bharam

"Yahi Bohat Hai K Qayam Rahay Wafa Ka Bharam

Koi Kisi Ka Howa Bi Hai Ummer Bhar K Liyey"

Ulfat ke fasaane ki na baat karo hum se,

Ulfat ke fasaane ki na baat karo hum se, 

Is dil ko dukhaane ki na baat karo hum se,

Ik aur bhi hae armaan mehboob tumhein dekhoon, 

Bekaar bahaane ki na baat karo hum se, 

... 

Ik chout lagi dil per ik aah ubhar aai, 

Yeh zakhm chhupaane ki na baat karo hum se, 

Jis dil mein basaaya tha woh torr diya tum ne, 

Is ghar ko banaane ki na baat karo hum se, 

Kis tarh katey jeewan ab chal na sakein tanha, 

Yeh boujh uthaane ki na baat karo hum se, 

Kuchh loug khafa haen to roothey hi rahein hum se, 

Phir un ko manaane ki na baat karo hum se, 

Kyoon lout ke aaey ho jab toot gaya bandhan, 

Ab baat barrhaane ki na baat karo hum se.

Ek Chand Tanha Khara Raha

Ek Chand Tanha Khara Raha

Merey aasmaan se zara pary,

Merey saath saath saffar mei tha

Merii manzilloon sey zara pary,

Terii justujuu ke hisaar sey

Terey khwaab terey khayal sey,

Maii wo shakhs thaa jo khara raha

Terii chaahatoon sey zara pary,

Kabhii dil kii baat kahii na thii

Jo kahi to wo bhi dabee dabee,

Merey lafz poorey to they magar

Terii samaa'toon sey zara pary,

Tuu chalaa gaya merey ham.safar

Zara daykh murr ke to eik nazar,

Merii kashtiyaa han jalii huii

Terey saahiloo sey zara pary

Tum apney khatt me yuun lafzoon ka silsilaa rakhnaa

Tum apney khatt me yuun lafzoon ka silsilaa rakhnaa

Har ik lafz ka mafhuum doosra rakhnaa.....

Tumharey lab kii mehek raaz faash kr dey gi

lifaafa bnd na kerna yuun he khula rakhnaa...

Na itna tuut ke miliiye ke dil pe shak guzrey

Khuloos mei bhii zaroori hei faasla rakhnaa.....

Mai zindagii mei kahi'n tum se mil he jaaunga

Magar yeh shart hei bichharney ka hauslaa rakhnaa...

Ye sooz o karb mujhey tajarboon ney bakhshey han

Jalanaa shamaa to daman se faasla rakhnaa

Dil Ne Wafa Ke Naam Par Kaar-E-Wafa Nahi Kiyaa

Dil Ne Wafa Ke Naam Par Kaar-E-Wafa Nahi Kiyaa

Khud Ko Halaak Kar Liyaa Khud Ko Fidaa Nahiin Kiyaa 

Kaise Kahen Ke Tujh Ko Bhii Hamase Hai Vaastaa Koi 

Tuune To Hamase Aaj Tak Koi Gilaa Nahiin Kiyaa 

Tuu Bhii Kisii Ke Baab Men Ahad-Shikan Ho Gaaliban 

Main Ne Bhii Ek Shakhs Kaa Qarz Adaa Nahiin Kiyaa 

Jo Bhii Ho Tum Pe Mautariz Us Ko Yahii Javaab Do 

Aap Bahot Shariif Hain Aap Ne Kyaa Nahiin Kiyaa 

Jis Ko Bhii Shekh-O-Shaah Ne Hukm-E-Khudaa Diyaa Qaraar 

Hamane Nahiin Kiyaa Vo Kaam Haan Baa-Khudaa Nahiin Kiyaa 

Nisbat-E-Ilm Hai Bahot Haakim-E-Vaqt Ko Aziiz 

Us Ne To Kaar-E-Jehl Bhii Be-Ulaamaa Nahiin Kiyaa

"Suna Hai Jangalon Ka Bhi Koi Dastoor Hota Hai!"

Suna hai jangalon ka bhi koi dastoor hota hai!

Suna hai

shair ka jub pait bhar jaey. . .

To vo hamlaa nahee kertaa,

Sunaa hai!

Havaa ke taiz jhonkey jubb darakhton ko hilaatay hain. . . .

To menaa apne gharr ko bhool kar,

kavvay ke andon ko paron main thaam lete hai. . . .

Sunaa hai. . . .

Ghaonslay se jubb koi bachha giray,

To saara jungle jaag jaag jaata hai. . . .

Suna hai. . . 

Koi pull toot jaey 

aor

sailaab aajaey

To kisi lakri ke takhtay per,

Gulehri saanp aor bakri saath hotay hain. . . .

Sunaa hai jangalon kaa bhi koi dastoor hotaa hai. . . . 

KHUDAAE - MUNNSIFFO - AKBARR

Hamaaray mulkk main bhi ubb junngalon ka hi koi dastoor naafizz kar

Iss Qaddar Zorr Say Tamachay Parray Hain...

Iss Qaddar Zorr Say Tamachay Parray Hain...

Daikh Tau Surkhi Meray Rukhsaar Ki

Kis Qadar Zulm Dhaya Kertey Ho

Kis Qadar Zulm Dhaya Kertey Ho

Yeh Jo Tum Bhool Jaya Kerte Ho

Kis Ka Ab Haath Rakh Ke Seene Per

Dil Ki Dhadhkan Sunaya Kerte Ho

Hum Jahan Chaye Peene Jate Thay

Kia Wahan Ab Bhi Aaya Kerte Ho

Kon Hai Ab Ke Jis Ke Chehre Per

Apni Palkon Ka Saaya Kerte Ho

Kiun Mere Dil Mai Rakh Nahee Dete

Kis Liye Gham Uthaya Kerte Ho

Phone Per Geet Jo Sunate Thay

Ab Wo Kis Ko Sunaya Kerte Ho

Akhiri Khat Mai Usney Likha Tha

Tum Mujhe Yaad Aaya Kerte Ho

beqarai si beqarari hai

beqarai si beqarari hai

wasl hai aur firaaq taari hai

jo guzaari na ja saki hum se 

hum ne woh zindagi guzari hai

us se kahiyo kay dil ki galioN meiN

raat din teri intezari hai

ik mehak samt-e-jaaN se aai thi

maiN yeh samjha teri sawari hai

haadisoN ka hisab hai apna

warna har aan sab ki baari hai

bin tumhare kabhi nahiN aai

kya meri neend bhi tumhari hai

nigharay kya hue keh logoN par

apna saaya bhi ab to bhari hai

khush rahe tu ke zindagi apni

umr bhar ki ummeed wari hai

aap meiN kaisay aauN mein tujh bin

saaNs jo chal rahi hai aari hai

hijr ho ya wisal ho kuchh ho

hum haiN aur us ki yaadgari hai

beqarai si beqarari hai

beqarai si beqarari hai

wasl hai aur firaaq taari hai

jo guzaari na ja saki hum se 

hum ne woh zindagi guzari hai

us se kahiyo kay dil ki galioN meiN

raat din teri intezari hai

ik mehak samt-e-jaaN se aai thi

maiN yeh samjha teri sawari hai

haadisoN ka hisab hai apna

warna har aan sab ki baari hai

bin tumhare kabhi nahiN aai

kya meri neend bhi tumhari hai

nigharay kya hue keh logoN par

apna saaya bhi ab to bhari hai

khush rahe tu ke zindagi apni

umr bhar ki ummeed wari hai

aap meiN kaisay aauN mein tujh bin

saaNs jo chal rahi hai aari hai

hijr ho ya wisal ho kuchh ho

hum haiN aur us ki yaadgari hai

Har koi dil ki hatheli pe hai sehra rakhey,

Har koi dil ki hatheli pe hai sehra rakhey,

Kisi ko sairaab kare woh kise pyasa rakhey

Umer bhar kaun nibata hai taluk itna

Ae meri jan ke dushman tujhe allah rakhe,

Humko acha nahin lagta koi humnam tera,

Koi tujhsa ho tu phir nam be tujhsa rakhey.

Dil b pagal hai us shaks se wabasta hai,

Jo kise aur ka na hone de na apna rakhey

Kam nahin tamam e ibadat bhi to hirs-e-zar se,

Fuqr to wo hai ke deen na duniya rakhey.

Hans na itna bhi faqeeron ke akelepan par,

Khuda meri tara tujh ko b tanha rakhe

Yeh qana at hai, ita-att hai ke chaht hai Faraz

Hum to razi hai wo jis haal mein jesaa rakhe

Dastaan-e-Zindagi tu bohot khamosh hai magar

Dastaan-e-Zindagi tu bohot khamosh hai magar

Behtay ashkon ka shor sunana chahta hoon

Hai ujala bhi tu subh-e-kazib ki manind

Bas ek umeed zaroor dikhana chahta hoon

Mujh ko maloom hai manzil ki haqeeqat lekin

Parwana ban kr urh jana chahta hoon

Har chehra naqaab hai nafratoon kay ooper

Aur mein kiun kr un se mohabbatein le jana chahta hoon

Zindagi ka safar guzar janay per gumaan hua kay

Mein makhlooq-e-Qabar hoon magar dunya mein jeena chahta hoon