Maan lai ab bhi meri jaan-e-adaa, dard na chun,

Maan lai ab bhi meri jaan-e-adaa, dard na chun,

Kaam aati nahin phir koi duaa, dard na chun,

Aur kuch dair mein mujh ko chale jana hoga,

aur kuch dair mujhe khawab dikha, dard na chun,

Aik bhi dard na kam hoga keyi sadiyon mein,

Ab bhi kehta hoon tujhe waqt bachaa, dard na chun,

Woh jo likha hai kisi taur nahin ttal sakta,

Aa mere dil main koi deep jala, dard na chun,

Main tere lamss se mehroom na rah jaaon kahin,

Aakhri baar mujhe khud se laga, dard na chun,

Ab to yeh raishmi purain bhi chaddi jati hain,

Khud ko ab bakhssh bhi de, zulm na dhaa, dard na chun,

Yeh nahin hon ge to khali nahin ho jaon ga mein,

Mere zakhmon se koi geet bana, dard na chun,

Kuch na de ga yeh masaayel se ulajhtey rehna,

Chorr sab kuch meri banhon mein samaa, dard na chun.

Ajeeb saanehaa guzraa hai mujh pe aaj ki sham

Ajeeb saanehaa guzraa hai mujh pe aaj ki sham,

Main aaj shaam tumhare hijar main udaas na tha,

Ab aik saal to yeh aik gham hi kaafi hai,

Tumhari salgiraah par bhi tumhare paas na tha.

Sari raat ki jaagi aankhein,

Sari raat ki jaagi aankhein,

College mein kiya parrhti hon gi,

Yunhi khoye, dil hi dil mein,

Jaanay kiya kiya karti hon gi,

Sari raat ki jaagi aankhen,

Koi bolay, kaan na dharna,

Koi hillay to ek dam darna,

Koi daikhe in ka barhna,

Apne aap say larti hon gi,

Sari raat ki jagi aankhein,

Apni kitaabein phartey rehna,

Us ki baaten kartey rehna,

Us ki yaadein ghartey rehna,

Jeetay jeetay marti hon gi,

Sari raat ki jagi aankhein,

College mein kiya parrhti hon gi.

Kesa khaufnaak sa manzar hai keyi sadiyon se,

Kesa khaufnaak sa manzar hai keyi sadiyon se,

Mera qadmon pe mera sar hai keyi sadiyon se,

Khauf rehta hai na sailaab kahin le jaye,

Meri palkon pe mera tera ghar hai keyi sadiyon se,

Ashk aankhon mein sulagtey huye so jatey hain,

Yeh meri aankh jo banjar hai keyi sadiyon se,

Kaun kehta hai mulaqat meri aaj ki hai,

Tu meri rooh ke andar hai keyi sadiyon se,

Mene jis ke liye har kisi ko naraaz kiya,

Rooth jaye na yehi dar hai keyi sadiyon se,

Uss ko aadat hai jarr’en* kaat’tey rehne ki Wasi,

Jo meri zaat ka mehwar* hai keyi sadiyon se..

Ye Kab Kaha Tha Nazaaron Se Khauf Aata Hai ?

Ye Kab Kaha Tha Nazaaron Se Khauf Aata Hai ?

Mujhe Tou Chaand Sitaaron Se Khauf Aata Hai,

Main Dushmanon K Kisi Waar Se Nahi Darta,

Mujhe To Apne Hi Yaaron Se Khauf Aata Hai,

Khiza Ka Jabar Tou Seene Pay Rok Lete Hain,

Hamein Udaas Bahaaron Se Khauf Aata Hai,

Mile Hain Dosto Besaakhiyon Se Gham Itne,

Mere Badan Ko Sahaaron Se Khauf Aata Hai….

Main Iltifaat Ki Khandaq Se Door Rehta Hun,

Ta’alluqaat K Gaaron Se Khauf Aata Hai..

Sochta Hoon Ke Usay Neend Bhi Aati Hogi

Sochta Hoon Ke Usay Neend Bhi Aati Hogi

Ya Meri Tarah Faqat Ashk Bahati Hogi

Wo Meri Shakal Mera Naam Bhulanay Wali

Apni Tasweer Se Kia Aankh Milati Hogi ?

Is Zameen Pe Bhi Hay Selaab Meray Ashkon Say

Meray Matam Ki Sada Arsh Helati Hogi

Shaam Hotay Hi Wo Chokhat Pay Jala Kar Shamain

Apni Palkon Pay Kaii Khowab Sulati Hogi

Us Nay Silwa Bhi Liye Hongay Siya Rang Lebaas

Ab Moharram Ki Tarah Eid Manati Hogi

Hoti Hogi Meray Bosay Ki Talab Main Pagal

Jab Bhi Zulfon Main Koii Phool Sajati Hogi

Meray Tareek Zamano Say Nikalnay Wali

Roshni Tujh Ko Meri Yaad Dilati Hogi

Dil Ki Masoom Ragain Khud Hi Sulagti Hogi

Joon Hi Tasweer Ka Kona Wo Jalati Hogi

Roop Day Kar Mujhay Us Main Kisi Shehzaday Ka

Apnay Bachon Ko Kahani Wo Sunati Hogi

Tum mere dard bhi, gham bhi, alaam bhi tum,

Tum mere dard bhi, gham bhi, alaam bhi tum,

Tumn mera chain ho jana, mera araam bhi tum,

Kamyaabi ko nahin hum ne tumhe chahaa hai ,

Hum tumhare hain bhaley ho gaye nakaam bhi tum,

Main maseeha hoon agar, mera wazeefa tum ho,

Main hoon mujrim meri jaan mera ilzaam bhi tum,

Kya zaroorat hai mujhe dard ke me’khaanon ki,

Tumhi nasha, tumhi paimaana, mera jaam bhi tum,

Mukhtlif se bahaanon se mujhe sochtey ho,

Aik din khul ke pukaro ge mera naam bhi tum,

Yeh seyaasat bhi ajab khail hai bholey panchi,

Yahan seyaad bhi tum ho, to teh’daam bhi tum,

Jis se roshan mera aangan hai tumhi ho woh chiraag,

Sach to yeh hai ke tumhi ghar ho, dar-o-baam bhi tum,

Raat din tum ko faqat tum ko mujhe sochna hai,

Meri furssat bhi tumhi aur mera har kaam bhi tum.

Dheeray Se Sarakti Hai Raat Us Ke Aanchal Ki Tarah

Dheeray Se Sarakti Hai Raat Us Ke Aanchal Ki Tarah

Uska Chehra Nazar Aata Hai Jheel Main Kanwal Ki Tarah

Baad Muddat Usko Daikha To Jism-o-Jaan Ko Yun Laga

Pyasi Zameen Pe Jaisay Koi Baras Gaya Baadal Ki Tarah

Roz Kehta Hai Seenay Pe Sar Rakh K Raat Bhar Jaga’uon Ga,

Sar-e-Sham Hee Mujhe Aaj Phir Sula Gaya Wo Kal Ki Tarah,

Mere Hee Dil Ka Makee.n Nikla Wo Shakhs “Wasi”

Aur Mein Shehar Bhar Me Dhundta Raha Usy Kisi Pagal Ki Tarah

Na tumhey hosh rahey or na mujhey hosh rahey,

Na tumhey hosh rahey or na mujhey hosh rahey,

Is qadar toot kay chaho mujhey pagal kar do.

Mohabbat chor di hum ne.

Yeh tum se keh diya kis ne 

Kay tum bin reh nahi saktay

 Yeh dukh, hum seh nahi saktay 

Chalo, hum maan laitay hain

 Kay tum bin, hum buhat roye 

Ke raaton ko na soye 

Magar, afsos hai jana

 Kay ab kay tum jo louto gey

 Humain tabdeel paao gey

Buhat mayoos hogey tum 

Kay agar poochhna chaho kay,

 Aisa kyon kiya hum ne

 Tou sunn loo ghour se jana

 Poorani eik riwaayat tang aa ker tor di hum ne

 Mohabbat chor di hum ne.

The largest ambulance network in the world

Edhi Foundation is the largest organization of social assistance to non profit world.

This organization provides emergency services 24 hours medical services and health care and shelter for orphans.

Abdul Sattar Edhi began service from one piece and now it has more than 300 centers across the country

It has branches in other countries such as UK, USA, Canada, Japan and China

Chalo aao Mohabbat ki Nae Bunyaad Rakhty hain

Chalo aao Mohabbat ki Nae Bunyaad Rakhty hain

Khud Paaband Rehty Hain Usay Aazad Rakhty hain

Humary Khoon Mei Rab Ne Yehi Taseer Rakhi hy

Buraai Bhool Jaty Hain Achai Yaad Rakhty hain

Mohabbt Mei Kahin Humse Gustakhi na Ho jaye

Hum Apna har Qadam us k Qadam k Baad Rakhty hain

December To December Hai

December To December Hai

December Ka Bharosa Kya

Na Jane Kis December Me

Tumhen Milne Ko Aana Tha

Humari To December Me Bari

Umeeden Toti Hen

Tumari Rah Takti Purnum Nigahon Me

Sawan K Jo Darya Hen

December K Hi Tohfe Hen

Dekho December Phir Se Aya Hai

Jo Ab Bhi Tum Na Aye To

Tumhari Yaad Me Akele Hum Na Royen Ge

Humare Sath Dena Ko Sawan

K Gehre Baadal

Gale Mil K Royen Ge

Phir Itna Paani Barse Ga

Samandar Seh Na Paye Ga

Karo Na Zid Chale Aao

Rakha Hai Kya December Me

Dilon Me Pyaar Ho To Mahine

Saare Ache Hen

Kisi Pyare Mahine Me Humen Tum Milne Aa Jao

December To December Hai

December ka bharosa kia..

Mohabbat naam hai mera"

"Mohabbat naam hai mera"

"Agar Chaho Gay Tum Mujh Ko"

Tumahri sans se pehly

Tumhari jan ban jaon

++

"Ager Dekho GayTum Mujh Ko"

Tumhari ankh se pehly

Tumhary khuwab ban jaon

"Agar Socho Gay Tum Mujh Ko"

Tumhary Paon Se pehly

Tumhari rah ban jaon

++

"Mohabbat Naam Hai Mera.

Mujhe TUM Soch k Dekho

zaalim thaa vo aur zulm kii aadat bhii bahut thii

zaalim thaa vo aur zulm kii aadat bhii bahut thii

majabuur the ham us se muhabbat bhii bahut thii

us but ke sitam sah ke dikhaa hii diyaa ham ne

go apanii tabiyat me.n baGaavat bhii bahut thii

vaaqif hii na thaa ramz-e-muhabbat se vo varnaa

dil ke liye tho.Dii sii inaayat bhii bahut thii

yuu.N hii nahii.n mashhuur-e-zamaanaa meraa qaatil

us shaKhs ko is fan me.n mahaarat bhii bahut thii

kyaa daur-e-Gazal thaa ke lahuu dil me.n bahut thaa

aur dil ko lahuu karane kii fursat bhii bahut thii

har shaam sunaate the hasiino.n ko Gazal ham

jab maal bahut thaa to saKhaavat bhii bahut thii

bulavaa ke ham 'Ajiz' ko pashemaa.N bhii bahut hai.n

kyaa kiijiye kam_baKht kii shoharat bhii bahut thii