Ab jo lotay ho itne saalon mein

Ab jo lotay ho itne saalon mein, 
Dhoop utri huyi hai baalon mein, 

Tum meri aankh k samundar mein, 
Tum meri rooh k ujaalon mein, 

Phool hi phool khill uthey mujh mein, 
Kon aaya mery khayalon mein, 

Mene jee bhar k tujh ko dekh liya, 
Tujh ko uljhaa k kuch sawalon mein, 

Meri khushiyon ki kaayenat bhi tu, 
Tu hi dukh dard k hawalon mein, 

Jab tera doston mein zikar aaye, 
Theess uthti hai dil k chaalon mein, 

Tum se abaad hai yeh tanhai, 
Tum hi roshan ho ghar k jaalon mein, 

Saanwli shaam ki tarah hai woh, 
Woh na goroon mein hai na kaalon mein, 

Kya usey yaad aa raha hoon 
Rang ubhrey hain us k gaalon mein..

Ye na thi hamari Qismat k wisaal e Yar hota

Ye na thi hamari Qismat k wisaal e Yar hota 
Agar or jeety rehty yehi intezar hota, 

Teray waaday pay jiye hum To ye Jan Jhoot jana, 
K khushi sy mar na jaty agar aitbaar hota, 

Teri Nazuki sy jana k bandha tha Ehad e Booda, 
Kabhi tu na tor sakta Agar istawaar hota, 

Koi mery Dil sy poochy tery teer neemksh ko, 
Ye khalish kahan say hoti Jo jigar k paar hota, 

Ye kahan ki dosti hai k Bany hain dost Naaseh 
koi charah saaz hota Koi ghum gusaar hota, 

Kahon kis sy main k kya hai Shab e Ghum buri balaa hai,
Mujhy kya bura tha marna Agar aik bar hota, 

Huwy mar k hum jo ruswa Huwy Q na GharQ e Darya, 
Na kabhi janaza uthta Na kahein mazaar hota, 

Ye Masaail e Tasawwuf Ye tera bayaan Ghalib! 
Tujhy hum wali samajhty Jo na Baadah Khwaar hota..

Bohat hain ya or bhejoon?

Bohat hain ya or bhejoon? 

Jaanan IshQ k azaab saaray..

Main Chup Raha K Zehar Yehi Mujh Ko Raas Tha.

Main Chup Raha K Zehar Yehi Mujh Ko Raas Tha. 
Wo Sang-E-Lafz Phaink Kar Kitna Udaas Tha. 

Aksar Meri Qaba Py Hansi Aa Gai Jisay. 
Kal Mil Gya Tu Wo B Dareeda Libas Tha. 

Main Dhondta Tha Door Khalaon Me Aik Jism. 
Chehron Ka Ik Hujom Mere Aas Pas Tha. 

Tum Khush Thy Pathron Ko Khuda Jaan Kar Magar. 
Mujh Ko Yaqeen Hai Wo B Tumhara Qayaas Tha. 

Bakhsha Hai Jis Ny Rooh Ko Zakhmon Ka Pairahan. 
Mohsin!Wo Shakhs Kitna Tabiyat Shanaas Tha. 
Poet: 
Mohsin Naqvi

Mery bus mein agar yeh ho Janaan

Mery bus mein agar yeh ho Janaan 

Main wafa teray naam kar jaaon..

Tumharay shehar ka mosam bara suhana lagay

Tumharay shehar ka mosam bara suhana lagay 
Main ik shaam chura lon agar bura na lagay 

Tumhary bas mein agar hai to bhool jao hamein 
Tumhein bhulaany mein shayad hamein zamana lagy 

Jo doobna hai to itny sakoon sy doobo 
K aas paas ki lehron ko bhi pata na lagy 

Isi liye to khilaaye hain phool safhon par 
Hamein jo zakhm lagy hain wo dostana lagy 

Wo ik sitara k jo rasta dikhaye hamein 
Wo ik ishara k jo Harf e Mujarmana lagy 

Na jany kab sy koi mery saath hai Qaisar 
Jo ajnabi na lagy or Aashna na lagy..

Hamaisha dair kar deta hon main,

Hamaisha dair kar deta hon main, 
Har kaam karny mein 
Zaroori Baat kehni ho Koi waada nibhana ho, 

Usy Aawaz deni ho Usy wapis bulana ho, 
Hamesha dair kar deta hon main, 

Madad karni ho uski yaar ki dharas bandhana ho, 
Bohat Dareena raston par kisi sy milny jana ho, 
Hamesha dair kar deta hon main, 

Badalty mosmon ki sair mein dil ko lagana ho, 
Kisi ko yaad rakhna ho Kisi ko Bhool jana ho, 
Hamesha dair kar deta hon main, 

Kisi ko Moat sy pehly kisi ghum sy bachana ho 
HaQeeQat or thi kuch Usko jaa k ye btana ho, 

Hamesha dair kar deta hon main har kaam karny mein,

Ab k Tajdeed e Wafa ka nahi imkaan janaan

Ab k Tajdeed e Wafa ka nahi imkaan janaan 
Yad kya tujh ko dilayen tera pemaan janaan 

Younhi Mosam ki ada dekh k yad aya hay 
Kis Qadar jald badal jatay hain Insaan janaan 

Zindagi teri ataa thi so teray naam ki hay 
Hum nay jesay B basar ki tera ehsaan janaan 

Dil ye kehta hay k shayad ho fasurda tu B 
Dil ki kya bat karein dil to hy nadaan janaan 

Muddaton sy yehi AaLam na TawaQQo na umeed 
Dil pukaray hi chala jata hay Janaan Janaan 

Hum Bhi kya saada thay hum nay Bhi samajh rakha tha 
Gham e Doraan say juda hay Gham e Janaan Janaan 

Ab k kuch aisi saji Mehfil e Yaraan janaan 
Sar Bazanu hay koi sar ba Girebaan janaan 

Ab tera zikar B shayad hi GhazaL mein Aaye 
Or say Or huway dard k unwaan janaan 

Hum k Roothi hoyi Rutt ko B manaa Letay thay 
Hum nay dekha hi na tha Mosam e Hijraan janaan 

Hosh aya to sabhi khwab thay reza reza 
Jesay urrtay huway OraaQ e Pareshaan janaan..

KuCh Is TarHa Se NaRaZ HaiN Wo HaM Se

KuCh Is TarHa Se NaRaZ HaiN Wo HaM Se 

JaiSe UnHe KiSi AuR Ne MaNa LiyA Ho

Aankh se door na ho dil se uter jaaye ga..

Aankh se door na ho dil se uter jaaye ga.. 

Waqt ka kia he guzerta he guzar jaaye ga..

Sabar Ka Daman Hath Se Na Choro

Sabar Ka Daman Hath Se Na Choro 

Har Kaam Asaan Hone Se Pehle Mushkil Hota Hy.

Tumharay dil say hamari yadein nikal na payen to loat ana

Tumharay dil say hamari yadein nikal na payen to loat ana 

Paraye shehron ki gar Hawayen na ras ayen to loat ana 

Suna hai Hum ny Decembaron mein bujhi hoi Aag jall pary gi 
Tumhara Janaan khunak rutein jab badan jalayen to loat ana 

Hawass mein zarr ki Qadam utha k watan sy door to ja basy ho 
Hamein Malaal e Qadam uthana kabhi rulayen to loat ana 

Naye naye say marasmon k nai nai C RafaQton k 
Jo darmyan mein kabhi tumhein hum bhi yaad ayen to loat ana 

Suno Gullani.. 
Ye dooriyaan bhi ab itni ziada nahi hain achi 
Jo ab k mehfiL mein saray Humdam tumhein bulayen to loat ana..

If You have the ability to listen anything rude or harsh without loosing

If You have the ability to listen anything rude or harsh without loosing Your temperament or selfconfidence.. 
It means You are Educated

Udaas Logon sy pyaar Karna Koi To Seekhay

Udaas Logon sy pyaar Karna Koi To Seekhay 
Safaid Lamhon mein Rang Bharna Koi to seekhay 

Koi To Aaye Khizaan Mein pattay Ugaany WaLa 
GuLLon Ki khushboo ko Qaid Karna Koi To Seekhay 

Koi Dikhaye Mohabbaton k saraab Mujh ko 
Meri Nigaahon say Baat karna Koyi To Seekhay 

Koi To Aaye Nayi Rutton Ka Payaam Lay Kar 
Andhairi Raaton mein chand Banna Koi to Seekhay 

Koi Payamber Koi Imaam e zamaan Hi Aaye 
Aseer Zehnon Mein soach Bharna Koi to seekhay..

Nahi mumkin andheron mein chiraagon ko buja dena

Nahi mumkin andheron mein chiraagon ko buja dena 
Bohat mushkil hy meri jaan tmhen dil sy bhula dena 

Tumhen ik din sataaein gay meri chahat k sb jazbe 
Meri ghazlein meri Nazmein mere Khatt b jala dena 

Kabhi jo yaad auon main tumhein fursat k lamhoun mein 
Haseen hathon se kaghaz per mujhe likhna mita dena 

Tere Dil ko jo chain aye mere Dil ki kahani se 
Tu mujh ko bhi zara Dil se Mohabbat ki dua dena..